Listen Shri Datta Stavam Stotram With Lyrics | श्री दत्तस्तवस्तोत्र | Popular Devotional Songs<br /><br />Lyrics : श्रीदत्तस्तवस्तोत्रम् <br /><br />भूतप्रेतपिशाचाद्या यस्य स्मरणमात्रतः ।<br />दूरादेव पलायन्ते दत्तात्रेयं नमामि तम् ॥ १॥<br /><br />यन्नामस्मरणाद्दैन्यं पापं तापश्च नश्यति ।<br />भीतिग्रहार्तिदुःस्वप्नं दत्तात्रेयं नमामि तम् ॥ २॥<br /><br />दद्गुस्फोटककुष्ठादि महामारी विषूचिका ।<br />नश्यन्त्यन्येऽपि रोगाश्च दत्तात्रेयं नमामि तम् ॥ ३॥<br /><br />सङ्गजा देशकालोत्था अपि साङ्क्रमिका गदाः ।<br />शाम्यन्ति यत्स्मरणतो दत्तात्रेयं नमामि तम् ॥ ४॥<br /><br />सर्पवृश्चिकदष्टानां विषार्तानां शरीरिणाम् ।<br />यन्नाम शान्तिदं शीघ्रं दत्तात्रेयं नमामि तम् ॥ ५॥<br /><br />त्रिविधोत्पातशमनं विविधारिष्टनाशनम् ।<br />यन्नाम क्रूरभीतिघ्नं दत्तात्रेयं नमामि तम् ॥ ६॥<br /><br />वैर्यादिकृतमन्त्रादिप्रयोगा यस्य कीर्तनात् ।<br />नश्यन्ति देवबाधाश्च दत्तात्रेयं नमामि तम् ॥ ७॥<br /><br />यच्छिष्यस्मरणात्सद्यो गतनष्टादि लभ्यते ।<br />य ईशः सर्वतस्त्राता दत्तात्रेयं नमामि तम् ॥ ८॥<br /><br />जयलाभयशःकामदातुर्दत्तस्य यः स्तवम् ।<br />भोगमोक्षप्रदस्येमं पठेद्दत्तप्रियो भवेत् ॥ ९॥<br /><br />इति श्रीवासुदेवानन्दसरस्वतीविरचितं दत्तस्तवस्तोत्रं सम्पूर्णम् ।<br />
